Preparando a viagem a Milano
(as fotos procedem da página web de Reload, o espaço social de Milano no que vai ter lugar o encontro)
Olá amiguinhas. Um grupo de pessoas ligadas ao centro social A Treu! e ao espaço autogestionado Da Deriva argalhamos umha viagem a Milano para este próximo mês de fevereiro, com o propósito de participar no encontro preparatório a nível europeu do Euromayday2006. O encontro servirá-nos, sobretodo, para acercar-nos a umha realidade activista inovadora como é o da rede euromayday, e ver que nos pode seduzir, sugerir, ou que podemos aprender. Também será umha boa ocasiom para descobrir, as que nom o conhecemos, esse potente fervedoiro de vida comunitária que parece ser a cena alternativa e antagonista da itália. E pode ser também que nos perdamos gostossas na Nuit milanessa...
Também pretendemos ver de que maneira podemos participar desde os projectos web e hacklab Atreu-Deriva na proposta que se está a desenvolver a nível europeu ao redor de dar vida a um sítio comum de investigaçom e acçom desde, e contra a precariedade. Desde a lisata de europrecárias, Marta informa de que na última assembleia do euromayday, realizada em outubro em Hamburgo, criou-se umha lista de correio (thering@rezo.net), à que está apontada gente de toda Europa. Também se está a baralhar a criaçom de um anel de weblogs sobre a precariedade ou, como alternativa, construir um software que permita criar cartografias on-line de grupos de acçom precária, espaços de investigaçom-acçom contra a precariedade, luitas e propostas a nível europeio, etc. A perspectiva é a de facilitar o fluxo de informaçom, o conhecimento mútuo ou a mestizagem de todas aquelas experiências activistas que desenvolvem as suas dinámicas no espaço do precariado. Nom deixedes de botar um olho a algumha destas webs, como Intermitentes do espectáculo (http://pap.ouvaton.org), a alemá http://www.labournet.de/ ou a dos trabalhadores rebeldes dos centros de aceso público a internet (http://capicua.mine.nu/)
E já aguardando impacientes a que cheguem esses dias para irmos a Milano, aqui vam algumhas ligaçons de várias iniciativas e espaços sociais da cidade:
sinuneuro (Comentar)
E ti que tal? como vam estes dias? temos que ver-nos... (Comentar)