nómadas queer

Olá habibis. O antagonismo do sul mobiliza-se. Atençom a este interessante encontro que vai ter lugar a próxima primavera em Rabat. Traduzo aqui o "Chamamento" que chega desde a lista de europrecárias para que o distribuades por ai. Apesar de certos elementos presentes no discurso, quizais um pouco clássicos e repetitivos, o encontro penso que pode ser mui interessante, especialmente polo lugar onde se organiza e pola participaçom da  Association Nationale des Diplômes Chomeurs, um dos movimentos mais inovadores da sociedade civil marroquina. Eu penso ir....alguem mais se anima?

Que todos os dias sejam primavera no norde de África....

chamamento de Rabat, 13 e 14 de maio de 2006

Nom há nengumha dúvida de que a globalizaçom capitalista converteu-se numha ameaça para os logros nacionais de todos os povos, e sobretodo, para os povos do sul. Assim, assistimos a um grave ataque aos seus direitos à autodeterminaçom, a níveis económicos, políticos, sociais e culturais.

Representa, também, umha ameaça sem precedentes ao conjunto das trabalhadoras no mundo e, em primeiro lugar, para as trabalhadoras dos paísses do norde, pola aplicaçom de políticas que vam contra os logros sociais e os direitos sindicais, com o único fim de obter o máximo benefício para o capital mundial. Polo que se refere à situaçom nos paísses do sul, a situaçom é ainda pior.

Pola nossa parte queremos expressar:

A nossa conviçom de que o mundo que queremos construir é um mundo de justiça social, liberdades, democracia e direitos humanos; que rechaça todas as formas de exclusom social, como a pobreza, o paro, a marginaçom, o analfabetismo, a desigualdade entre sexos e culturas, e todas as formas de militarizaçom. Um mundo de compartilhaçom equitativo da riqueza, um mundo solidário, longem de toda forma de separaçom e exclusom social.

A nossa consciência de que a acentuaçom da influência da globalizaçom capitalista e os seus golpes sobre a vida, especialmente nos paísses do sul, está influindo no aumento da imigraçom clandestina e das pateras da morte para as jovens que procuram umha alternativa à sua situaçom precária e à falha de dignidade humana.

O nosso rechaço categórico a sermos as vítimas de políticas e decisons destrutivas para as nossas sociedades e os nossos potenciais.

E o nosso compromisso com o movimento mundial de luita contra a globalizaçom e a exploraçom capitalista em todas as suas formas.

FAZEMOS UM CHAMAMENTO A TODAS AS PROTAGONISTAS na luita contra todas as formas de precariedade e exclusom social  a participarem num encontro internacional sob a lenda "Luita contra a Exclusom Social, o Paro e sobre a Imigraçom", os dias 13 e 14 de maio de 2006 na cidade de Rabat, Marrocos.

Covencidas de que esta iniciativa só será concretada polas contribuiçons de todas as protagonistas no terreio sindical, político e social, implicadas na luita contra a exclusom social e a precariedade, reiteramos o nosso chamamento à participaçom neste encontro, que pretende ser umha contribuiçom e aportaçom à unificaçom da luita contra as conseqüências de todas as formas de exclusom social.

 Association Nationale des Diplômes Chomeurs au Maroc (ANDCM) andcmperso@yahoo.fr

Ligue Tunisienne des Diplômés Chômeurs (LTDC) eternelchomeur@yahoo.fr  

 Para qualquer informaçom e contacto: ricpcicprov@yahoo.fr

                                                    Rabat, 29 de dezembro de 2005