transsexualidade nom é doença
pola despatologizaçom daas identidades trans
A Organizaçom Mundial de Saúde (OMS) considera a transexualidade e o transgenerismo patologias mentais, classificando- os como "Transtornos de Identidade de Género" na classificaçom Internacional das Doenças (IC-10) e no DSM-IV. Agora que a Classificaçom Internacional das Doenças está a ser revista, exigimos que seja retirado o "Transtorno da identidade de género" deste manual, assim como a homossexualidade deixou de ser considerada umha doença por esta classificaçom nos anos 90. O posicionamento da comunidade médica pola desclassificaçom do "Transtorno da identidade de género" é fundamental. As pessoas trans sofrem nom por serem trans, senom devido à transfobia! Umha sociedade que patologiza a transsexualidade é umha sociedade transfoba!
Reivindicamos algo tam claro como o direito a construir o nosso próprio corpo sem ingerências externas, mesmo fora do binómio home/mulher se assi o desejamos. Os psiquiatras nom podem ser a polícia do género: som eles quem decidem o que é ser "home" ou "mulher" e como se pode ser "de verdade" home ou mulher. A diversidade de identidades é infinita e a realidade é que hai pessoas que já estám a construir o seu próprio corpo fora do binómio tradicional: mulheres com barba, homes com vagina, andróginos, intergénero. Reivindicamos a livre circulaçom de hormonas e e a autonomia da pessoas frente aos guardiáns da moral de género e sexual. A recentemente aprovada Lei de Identidade de Género segue a considerar as pessoas trans como enfermas, que precissam ser diagnosticadas (certificado de disfória de género) e tratadas (tomar hormonas obrigatoriamente durante dous anos) para poder "mudar de sexo". Nom todas as pessoas trans queremos isso.
Alguns queremos hormonar-nos e outras nom.
Umhas nom querem cirugia e outras si.
*Exigimos a inclussom de todos os tratamentos na sanidade pública, no SERGAS, fora do paternalismo da moral sexual e sem necessidade de certificados de disfória de género. Devemos ser nós as que decidimos que queremos mudar e que é o que queremos fazer. Exigimos profissionais da medicina, nom moralistas nem polícias da ordem moral!
Exigimos a livre circulaçom de hormonas.
Apostamos poque desaparezam as mençons ao sexo nos documentos oficiais.
Exigimos aceder aos tratamentos sem necessidade de certificado de "disfória"...porque nom somos enfermos mentais!
Transmaribolheras Precárias
