nómadas queer

Um estudante é torturado com descargas eléctricas em plena conferência de John Kerry

17 de setembro, Universidade de Florida. Um estudante toma a palavra no turno de perguntas durante umha conferência do senador demócrata John Kerry. O estudante de 21 anos, Andrew meyer, questiona a atitude do partido demócrata ante as anteriores eleiçons: "se é tam evidente que as últimas eleiçons estavam manipuladas, por que vocês se conformarom com o resultado, nom protestarom, e declararom rapidamente a sua derrota frente a George W. Bush? Por que nom pedirom a demissom de George W Bush?"

Os organizadores tratam de fazer calar ao estudante dizendo-lhe que o seu turno de perguntas rematou. O estudante argumenta que o senador leva falando duas horas e el só dous minutos, e pede por favor que lhe deixem rematar. Também pergunta pola suposta pertença de Kerry a "Skules and Bones", a sociedade secreta de antigos alunos da Universidade de Yale. Imediatamente cortam-lhe o micro e vários polícias o detenhem (!). "Eh!, estám a arrestar-me, por que me arrestam? eh, eh, que estades a fazer?"

O estudante, incrédulo polo que está a viver, grita por que o arrestam se nom tem feito nada. A resposta traduze-se em 19 polícias que o imobilizam no fundo da sala mentres o torturam com descargas eléctricas para fazé-lo calar..."nom me toques, nom me toques, nom tenho feito nada, nom me apliques o táser, por favor".

E mentres John Kerry, impassível, contesta à pergunta do estudante como nada estivera a ocorrer (!)

O mais alucinante é a passividade da maior parte do público, que continua nos seus asentos mentres escuitam as súplicas deseperadas do estudante aos polícias para que deixem de aplicar-lhe o táser (umha pistola que produz descargas de até 50.000 vóltios). Alguns rim, outros calam, algumha trata de ajudar ao estudante. Alucinante.

Haveria que perguntar-se quais som as relaçons entre poder, coercom e submissom para explicar a incrível conduta do público: o terror e a gestiom do medo som um poderoso elemento de controlo social.

Sobra dizer que o estudante nom pudo escuitar com claridade a resposta que o senador dava às suas perguntas mentres o torturavam. Os seus berros de espanto afogavam a resposta de Kerry. Se isto ocorre publicamente na universidade de Florida com um estudante branco, de classe média e norteamericano....que ocorrerá em Bagdag ou em Guantánamo?

VIDEO:

Os mesmos feitos desde outro ângulo:

http://www.youtube.com/watch?v=AlnIkhYCS4w&eurl=http%3A%2F%2Fwww%2Erebelion%2Eorg%2Fnoticia%2Ephp%3Fid%3D56464

E Atençom ao video da CNN justificando as descargas ao estudante. Qualificam-no de provocador e acusam-no de distúrbios na conferência e de se resistirem com violência (!) à polícia:

 http://www.youtube.com/watch?v=ridSOsxuU50&mode=related&search=

E nom é a primeira vez que as cámaras recolhem umha actuaçom deste tipo. Em novembro de 2006 um estudante árabe, Mostafa Tabatabainejad, era reduzido a base de descargas eléctricas em plena biblioteca da UCLA, durante um controlo rutinário da polícia:

http://www.youtube.com/watch?v=AyvrqcxNIFs&mode=related&search=

Afortunadamente aqui houvo protestos dos estudantes (mui ao estilo ianqui, isso sim):

http://www.youtube.com/watch?v=2GTPip_XSSM&eurl=http%3A%2F%2Felproyectomatriz%2Ewordpress%2Ecom%2F2007%2F09%2F19%2Festudiante%2Dtorturado%2Dpor%2Dpreguntar%2F