nómadas queer

Rubalcaba, Rubalcaba. Nom parece mui acertado asumir -sem mais- a versom da Guarda Civil sem ter feito antes umha investigaçom independente e exaustiva do ocorrido. Fazer isto é amparar a impunidade. Dar carta branca a que continuem actuaçons que som umha constante ao longo de toda a história da Guarda Civil. E mais quando a versom da Guarda Civil nom hai por onde colhé-la. E tal a impunidade existente que nem sequer se preocupam de elaborar umha coartada crível. Primeiro dim que os detidos nom opusserom resistência. Depois dim que as feridas tiverom lugar quando tratarom de escapar e um agente se lhe tirou acima para imobilizá-lo…sendo assim, como pode estar sem assistência médica durante 16 horas um detido cumha costela rota perforando-lhe um pulmom? O parte médico afirma a existência de um neumotorax, que consiste na presença de ar no espaço pleural saído do pulmom, e que é um processo terrivelmente dolorosso.

Haverá investigaçom interna, sim. Como dizia La Lupe, “puro teatro”.