nómadas queer

Por um cessar-fogo imediato. Solidariedade com a gente do Líbano e da Palestina

chamamento por umha misson internacional ao líbano

A máquina de guerra israelita continua a matar a centos de civis libanesas e a destruir a infraestrutura do país. A crise humanitária está a empiorar cada dia que passa. A Comunidade Internacional (Naçons Unidas e Uniom Europeia incluidas) som incapazes ou nom querem parar a massacre. Ademais, Estados Unidos dá apoio político e cobertura prática a agressom israelita.

Pensamos que este é o momento para a intervençom dos movimentos sociais. É extremadamente importante encontrar a maneira de que a voz da gente poda ser ouvida. Faz-se urgentíssimo promover a demanda de um imediato cessar-fogo.

Como fizemos durante o assédio a Arafat, promos organizar umha missom civil internacional ao Líbano, com o objectivo de expressar a nossa solidariedade com a gente do Líbano e da Palestina, assim como demandar o imediato cessar-fogo.

Na Grécia já começamos os preparativos da missom civil. Se todo vai bem é provável chegar  à área a finais da semana que vem.

Sabemos que activistas de toda a Europa estám interessadas em participar no projecto. Estamos seguras de que juntas podemos construir umha sólida missom internacional.

É hora de actuar!

This petition is signed by the following members of the Greek Social Forum:

Tassos Koronakis, Loukia Kotronaki, Antonis Ntavanellos, Natassa Theodorakopoulou, Yannis Almpanis, Nikos Giannopoulos, Vaggelis Karageorgos, Elthina Aggelopoulou

http://beirut.indymedia.org/ar/2006/07/4773.shtml

Escuita Sawt el Ghad, a cadeia de rádio de Beirute que está a informar pontualmente dos acontecimentos e bombardeios israelitas: http://www.tayyar.org/sawtelghad/radioghad/nashra/sawt.mp3

A maioria de nós nom crompendemos árabe. Mas só pensar que milhares de pessoas nas suas moradas, nos refúgios, nos sotos, nas escolas...estám pegados aos transistores escuitando estas emissons, aguardando que este pesadelo acave, de algumha maneira, fai-nos estar mais perto delas.

Todas somos libanesas. Todas somos palestinas.

A agressom israelita no Líbano é um acto de agressom contra toda a populaçom libanesa. O exército israelita di estar atacando umha "infraestrutura de terror", mas a destruçom de pontes, estradas, aeroportos e barcos estam a cortar o país em peças, criando umha situaçom catastrófica que impede o transporte de alimentos e medicinas e aterrorizando a toda a populaçom. Além dos centos de mortas e feridas, milhares de pessoas estám a abandonar o país, e milhares mais estám a deixar as áreas bombardeadas instalando-se no centro de Beirute. Mesmo aqui, nas áreas mais "seguras" de Beirute podem ouvir-se as bombas dia e noite, e o subministro de água e luz começa a falhar com mais freqüência.

Os colectivos políticos e civis libaneses estamos a organizar a ajuda à populaçom ante os efeitos do ataque, mas é muito para nós sós. Fazemos um chamamento aos nossos irmaos e irmás do resto do mundo para que nos ajudem.

Primeiro, instamos-vos a manifestar-vos ante as embaizadas e consulados de Israel, e sabemos que alguns grupos já o estám a fazer. O governo israelita deve ser considerado responsável polas suas acçons terroristas e criminais tanto aqui como na palestina. Também pedimos-vos que nos enviedes informaçom de qualquer protesto que levedes adiante.

Segundo, pedimos-vos ajuda para o nosso trabalho com os despraçados em Beirute. O grupo do que formamos parte, o Relief Center-Spears, está a trabalhar em 32 escolas nas áreas centrais de Beirute, que estám a acolher a mais de 6000 pessoas desde a noite do 16 de julho (nom sabemos quantas mais há em outras áreas). Nos quartos a disposiçom destes refugiados dormem de 10 a 15 pessoas, sem colchóns de abondo, e só recebem alimentos e água por parte do governo de maneira irregular. Muitas som crianças e velhas, e agás polos hospitais a única atençom médica que recebem dam-lha voluntários e voluntárias do Relief Center.

Ademais do aspecto humanitário da situaçom, ajudar aos despraçados é algu fundamental para a reconstruçom do Líbano quando a crise remate. A agressom israelita também tenta fomentar as tenssons entre os diferentes grupos culturais do líbano. Essa é a única maneira na que podem lograr os seus objectivos sem declarar umha guerra aberta total, mas ao final isso perjudicaria mais à sociedade libanesa que qualquer destruçom física. Um amplo esforço solidário é esencial para evitar este dessastre.

Precissamos dinheiro urgentemente para comprar subministros necessários para ajudar à populaçom despraçada aqui. Pedimos a todas as que podam que façam donaçons meiante transferência bancária, do importe que for, ao Relief Committee-Spears, a nome das seguintes duas pessoas. Contactade com o vosso banco para saber como fazé-lo.

CLIENT NAME: GREENLINE ASSOCIATION
ACCOUNT NMBR: 6189003
BANK: BANK OF KUWAIT AND THE ARAB WORLD
SWIFT: BKAWLBBE

Greenline Association address:
3rd floor, Yamout building, Spears 174,
Sanayeh, Beirut, Lebanon
Telefax: (+961 1) 746 215 or (+961 1) 752 142
E-mail greenline@greenline.org.lb

Estes som dias difízeis para todas no Líbano, mas temos a esperança de com a vossa ajuda e solidariedade podamos superar esta situaçom, como superamos outras no passado.

Contactos:
+961 3 647 605
+961 3 670 783
sanayeh.center@gmail.com

http://sanayehreliefcenter.blogspot.com/
http://lebanonupdates.blogspot.com/

20.000 pessoas, entre elas 1500 crianças menores de 6 anos, encontram-se nestes momentos numha catastrófica situaçom atrapadas no campo de refugiados de Burj El Barajneh, ao sul de Beirute. Burj El Barajneh está situado no coraçom da área da cidade de maior influência de Hizbullah, onde os bombardeios som contínuos dia e noite. A gente viu-se surprendida e arrodeada polo fogo e as bombas, e nom tenhem a oportunidade de marchar a outras partes da cidade mais seguras. Hoje mesmo, 20 de julho, Israel lançou 23 toneladas de explossivos na zona, dirigidos contra um búnker onde, supostamente, estava oculto Hasan Nasrala, máximo responsável de Hizbullah. Estes ataques coincidirom com os primeiros bombardeios nos bairros cristáns de Beirute, até o momento a salvo dos ataques. Já ninguém está a salvo.

Há três entradas para o campo de refugiados: umha desde a estrada do aeroporto, outra desde Haret Horek e outra desde o bairro de Burj. Todo o perímetro está a ser bombardeado. A melhor maneira de chegar ao campo é desde a estrada do aeroporto, ainda que é mui perigoso por que os ataques produzem-se intermitentemente sem nengum tipo de aviso.

Nos primeiros dias dos ataques a gente assaltou as tendas e supermercados para abastecer-se de comida, água e refrescos, mas agora os supermercados estám valeiros. Olfat Mahmoud, da Organizaçom Humanitária de Mulheres, entrou no Campo para tratar de organizar ajuda urgente e ver as possibilidades de evacuaçom de milhares de pessoas que estám atrapadas. Para deixar o Campo teriam de pagar muitíssimo dinheiro por conseguir umha praça num automóvil que se arriscara a sacá-los.

Assim descreve Olaft Mahmoud a sua chegada este 18 de júlio: “nom podo realmente descrever o horroroso desta viagem. O meu carro é o único veículo que está a circular polas ruas. Absolutamente todo está em silêncio. Todo destruido. Só hai 4km desde a minha casa ao campo de refugiados. A primeira parte da conduçom pudem fazé-la normalmente, mas os dous últimos quilómetros, forom horríveis. A minha impressom era que os edificios, valeiros, derruidos, danhados, estavam habitados por fantasmas. Ninguém pode entrar na zona, é extremadamente perigoso. Todo está destruido, as estradas, as ruas, os edificios: todo esmagado. Há um cheiro a morte e destruçom em toda a área sul de Beirute. No momento que entrei no Campo unim-me a activistas sociais e membros de várias ONGs para fazer umha evaluaçom das necessidades mais urgentes, assim como para realizar um plano de acçom a meio praço. Nom sabemos por onde começar. As necessidades som tam grandes que nos desbordam por completo. A gente está aterrorizada, o caos é total, nom há electricidade, nom há fuel para os generadores, e precissamos de maneira mui urgente alimentos, e medicamentos para as crianzas e os velhos (…)”.

http://lebanonupdates.blogspot.com/

http://sanayehreliefcenter.blogspot.com/

paremos esta barbárie!

Hoje 20 de julho, umha multiplicidade de organizaçons civis libanesas convocam umha manifestaçom em Beirute que partirá da UN House e marchará até as oficinas da Uniom Europeia. As convocantes exigem o cesse dos ataques e fam um chamamento à mobilizaçom internacional para exigir o fim dos ataques israelitas ao Líbano

comunidade de assasinos!

Mentres os membros do G8 estám reunidos em Sam Petersburgo continuam os bombardeios contra civis no sul do Líbano. Resultam indignantes as declaraçons da Comissom Europeia ou do G8 "Israel tém direito a defender-se", dim....e de que maneira! As fotos que seguem estám a percorrer o mundo árabe mas, curiosamente, estám a ser silenciadas e ocultadas nos média ocidentais. Som exemplos dos "actos de autodefensa" que o estado de Israel está a cometer no sul do Líbano, actos nos que estám a usar, entre outras coisas, bombas de fósforo.

17.07.2006 08:34 (publicado em Indymedia Beirut)
A ofensiva israelita contra o líbano é um acto de agressom contra o conjunto da populaçom libanesa. Os seus responsáveis dim estar atacando umha “infraestrutura de terror”, mas os ataques a pontes, estradas, aeroportos e barcos estám a cortar o país em peças tratando de criar umha situaçom catastrófica, impedindo o transporte de alimentos e medicinas, e aterrorizando a todo o mundo. Aparte das centos de mortas e feridas, milhares de pessoas estám a abandonar o país, e milhares estám a deixar as áreas e bairros onde os bombardeios som mais sistemáticos. Mesmo aqui, nas partes mais “seguras” de Beirute podemos ouvir dia e noite as bombas, e o subministro de água e luz começa a falhar com mais freqüência.(...)
Um aspecto procurado pola ofensiva israelita é fomentar as tensons entre os diferentes grupos culturais do Líbano, este é o único caminho polo que podem alcançar os seus objectivos sem declarar umha guerra aberta total, mas as conseqüências finais poderiam ser mais graves para a sociedade libanesa que a destruçom física que estám a realizar nestes momentos.

Maan News-Tuesday, 11 july 2006, 15:49

http://www.imemc.org/

(traduçom nómadas queer)

O ministro palestiniano de Saúde revelou esta segunda-feira que o exército israeliano está a usar um novo tipo de explossivo na sua ofensiva sobre a faixa de Gaza. Este explossivo contém materiais tóxicos e radiactivos que queimam a pele do corpo das vítimas desde o seu interior produzindo graves deformaçons. O minstro faz um chamamento urgente à comunidade internacional e às organizaçons humanitárias para que enviem pessoal médico internacional que examine as vítimas e confirmar assim os contidos das últimas bombas que estám a cair em Gaza. O ministro afirmou que a maioria das pessoas feridas que estám a chegar aos hospitais venhem com as extremidades queimadas. Estas queimaduras afectam também a partes internas do corpo, baixo a pele, e produzem umhas deformaçons gravíssimas. @s médic@s de Gaza virom-se forçados a amputar diversas extremidades, ao menos, a 12 das últimas pessoas feridas.

Ai vam algumhas fotos da última ediçom do festival Fervesteiro, umha das citas mais interessantes do panorama (contra) cultural galego. Desde abaixo, horizontal, autogestionado, livre, ferve o fervesteiro.

Frente às bombas...

...a vida

A princípios de 2003 o exército israeliano destruiu 63 tendas palestinianas de umha zona comercial de Nazlat'isa, ao norde de Tulkarem, como forma de forçar a expulsom da populaçom palestiniana de umha área pola que ia passar o Muro. Hoje, as gentes de Nazlat'Isa sobrevivem atrapadas entre o muro e a linha verde que marca o território -de facto- anexionado por Isael.

Umha residente de Nazlat'Isa observa

a demoliçom do seu bairro

Os resultados da demoliçom

Um residente de Nazlat'isa recebe umhas cebolas

do seu irmao, que vive ao outro lado do muro 

Intervençom do delegado zero a propósito de La Otra Campaña 

UAM-Xochimilco, 28 de junho, áudio:

http://enlacezapatista.ezln.org.mx/la-otra-campana/367/