nómadas queer

Porque… como vives?, a quanto te vendes?, como te ponhem?

aZien, aZien, aZien!!

TodasaZien: o novo projecto de Precárias a la Deriva 

A Agencia de Asuntos Precarios TodasaZien trata de enfrentar a soidade e o ilhamento nos que vivemos a precariedade do dia a dia para contribuirmos a criar redes de cooperaçom e auto-organizaçom vital e política.

Planteja-se como espaço aberto de intercâmbio de informaçom, apoio e estratégias que contribuam a fazer as nossas vidas menos precárias. Quer ser um sítio no que ir ponhendo nome às nossas precariedades e ir produzindo um saber prático para a resistência e a transformaçom de essas realidades do dia a dia feitas de injustiça e malestar.

Mas, sobretodo, quer ser umha espécie de “agência de viagens” desde a que tomar o destino das nossas vidas. Porque nom queremos que nos digam sempre onde, como e a que preço temos que viver. Aqui queremos ser nós quem marquemos a velocidade.

AZien porque esse é o preço ao que às vezes temos que vender os nossos saberes e destrezas.

AZien porque assim vivemos, entre empregos precários, vivendas impossíveis, cuidados ao borde da crise, e laços sociais fragilizados.

AZien porque assim nos ponhem as injustiças do dia a dia vividas por umhas e outras.

AZien porque assim queremos estar, juntas e revoltas, desde e contra a precarizaçom da existência.

ACTIVIDADES

A Agência encontra-se ubicada nos locais da Eskalera Karakola, em Embajadores, 52 (Madrid).

Consta, polo de agora, de três espaços distintos mas bem comunicados: o ponto de encontro, o espaço de comunicaçom e as assessorias ou espaço de autodefessa e capacitaçom:

1)Ponto de encontro:

TodasaZien quer ser um ponto de encontro, um espaço agradável onde descansar do esgotamento da vida precária, onde entoar o corpo com um café, um chá, umha cerveja… (que os gostos das precárias som do mais variado!). Um sítio para falar, escuitar, discutir, relaxar-se… para compartilhar os problemas e os recursos.

Proximamente porá-se em marcha:

Um espaço de troco: para trocar nom só esses trastos que ja nom te servem, e quizais a outra sim; mas, sobretodo, para ponher em comum todas esses coisas que sabemos fazer, todos esses tempos que podemos adicar, todas essas necessidades que temos e que nom podemos ou nom queremos comprar com euros. podes passar a recolher o inquérito-inscriçom apartir do qual estamos a elaborar esta comunidade de troco por Embajadores, 52.

2)Rádio por internet:

Sempre soubeche que tinhas umha voz que nem pintada para um serial radiofónico?, pensas que nunca acertam a ponher a música adequada a essa hora perfeita para ouvir a rádio, os spots contra-publicitários som a tua debilidade?, a guerrilha da comunicaçom volve-che tola? A rádio precária de TodasaAZien começa hoje mesmo a emitir! Para unir-te a este projecto só tes que escrever ao para o endereço de abaixo.

Hoje, 20 de maio, primeiro episódio do culebrom precário “Vivir a full”

E, quizais, mais adiante: “A noite precária” e outros programas para encher o teu computador de ondas subverssivas.

3)Espaço de capacitaçom e auto-defessa

Golpes de mestre: sete obradoiros de capacitaçom e autodefessa para malabaristas da vida

29 de abril: A bolsa ou a vida!

13 de maio: Papéis para todas

3 de junho: Esta casa é umha ruina! Estratégias legais, sociais e organizativas para se defender de imobiliárias, caseiros agressivos, usureiros espabilados e alugueres impossíveis.

17 de junho: Nom che dou os meus olhos. Armas legais, físicas e psicológicas contra a violência de género na rua, no trabalho e no fogar.

1 de julho: Os nossos corpos, as nossas vidas. Conselhos e recursos para cuidar e cuidar de nós contra a medicalizaçom.

proximmente (outubro): Ferramentas legais, organizativas e sociais para quem ganha ou quer ganhar a vida fora do mundo laboral assalariado (autónomas, cooperativistas, trabalhadoras domésticas, trapicheiras…). Mapa de recursos sociais para ir tirando (ingresso mínimo de inserçom, ajudas, paro…).

E, se queres mais informaçom: http://www.sindominio.net/karakola/
Ou escreve a: aCien@listas.sindominio.net